له‌ تاکبێژییه‌وه‌ بۆ دیالۆگ

رووداوه‌کانی دوو سێ مانگی رابووردوو له‌ هه‌رێمی کوردستانی عێراق له‌گه‌ڵ ئه‌وه‌دا که‌ ئاماژه‌یه‌کی ئاشکرایه‌ به‌ زیندوویه‌تی کۆمه‌ڵگه‌ی کوردی و به‌رده‌وامی خه‌بات و تێکۆشانی سه‌د ساڵه‌ی له‌ پێناوی ئازادی و دادپه‌روه‌ری و یه‌کسانی کۆمه‌ڵایه‌تی،خستنه‌ رووی کۆمه‌ڵیک کێشه‌و گرفتی کۆمه‌ڵایه‌تیشه‌ که‌ سه‌رچاوه‌یان له‌ که‌لتوور و به‌تایبه‌ت که‌لتووری سیاسی و کۆمه‌ڵایه‌تی کۆمه‌ڵگه‌ی کوردی و ده‌روونناسی تاکی کورددایه‌. گرینگترینی ئه‌و گرفتانه‌ مه‌یلی زۆری کۆمه‌ڵ بۆ رادیکاڵ بوونه‌وه‌ و پتانسیه‌لی دیار و نادیاری گرژ بوونه‌وه‌ و توند و تیژی و غیابی کوشنده‌ی متمانه‌ و خه‌مساردی سه‌رسووڕهێنه‌ر به‌رامبه‌ر به‌ زه‌رووره‌تی وتووێژ و دیالۆگبۆ به‌ر پێگرتن به‌ لێکدابڕانی کۆمه‌ڵایه‌تی و... هتده‌.

ساڵێک که‌ چوو، ساڵێک که‌ دێ

(یادداشتی سه‌ری ساڵی تازه‌)

پار ئه‌م ده‌مانه‌ یاداشتێکی کورتم بۆ یه‌کێک له‌ بڵاڤۆکه‌کان نووسی و له‌وێدا به‌ کۆڵێک خه‌ون و ئاوات و بیرۆکه‌وه‌ به‌ره‌و پیری ساڵی تازه‌ چووم. خه‌ون و ئاواتی ژیانێکی باشتر و شیاوتر، فه‌زایه‌کی کراوه‌تر بۆ بیرکردنه‌وه‌ و نووسین و بڵاوکردنه‌وه‌ی به‌رهه‌می فکری و فه‌رهه‌نگی، هه‌روه‌ها بیرۆکه‌ی چه‌ندان پرۆژه‌ی ئه‌ده‌بی وه‌ک نووسینی رۆمان، چیرۆک، وتار، به‌ تایبه‌ت وتاری ئه‌ده‌بی و وتار له‌سه‌ر هه‌ندیک بابه‌تی زمانی. بیرۆکه‌ی درێژه‌دان به‌ پرۆژه‌ی وه‌رگێڕانی چه‌ند رۆمانێک له‌ باشترین رۆمانه‌کانی هاوچه‌رخ و نووسین له‌سه‌ر ئه‌و رۆمانانه‌...